इंग्लिस प्रिमियर लिग फुटबलअन्तर्गत न्युक्यासलसँग म्यानचेस्टर युनाइटेड पराजित भएको छ । ओल्ड ट्राफोर्डमा गएराति सम्पन्न खेलमा न्युक्यासलविरुद्ध युनाइटेड २–० ले पराजित भएको हो ।
न्युक्यासलको जितमा अलेक्ज्याण्डर इसाक र जोएलिन्टनले समान एक गोल गरे । प्रिमियर लिगमा न्युक्यासलको यो लगातार चौथो जित हो ।
युनाइटेडविरुद्धको खेलको चौथो मिनेटमै इसाकले गोल गर्दै न्युक्यासललाई सुरुवाती अग्रता दिलाए । १९औँ मिनेटमा जोएलिन्टनले गोल गरेपछि न्युक्यासल अग्रता दोब्बर बनाएको थियो । त्यसपछि युनाइटेडले गोल गर्न नसकेपछि न्युक्यासलले वर्ष २०२४ को सुखद अन्त्य गर्यो ।
यो जितपछि न्युक्यासल लिगको पाँचौँ स्थानमा उक्लिएको छ । उसले १९ खेलमा ९ जितसहित ३२ अंक जोडेको छ । समान खेलमा २२ अंक रहेको युनाइटेड १४औँ स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
