प्रधानसेनापति अशोकराज सिग्देलले पूर्वी पृतना हेडक्वार्टर तथा अन्तर्गतका युनिटहरूको निरीक्षण भ्रमण गरेका छन् ।
दुईदिने भ्रमणको क्रममा उनले धनकुटास्थित श्री भीमदल गण, झापास्थित श्री अरिदमन गण, पाँचथरस्थित श्री रणशेर गण र ओखलढुङ्गास्थित श्री दुर्गाबक्स गणको निरीक्षण गरेका हुन् ।
निरीक्षण भ्रमणका क्रममा प्रधानसेनापति सिग्देलले उक्त पृतना हेडक्वार्टर तथा अन्तर्गतका युनिटको जिम्मेवारी क्षेत्रको वस्तुस्थितिबारे जानकारी लिई आवश्यक निर्देशन दिएको नेपाली सेनाको जनसम्पर्क तथा सूचना निर्देशनालयले जनाएको छ ।
निर्देशनालयका अनुसार निरीक्षण भ्रमणका क्रममा प्रधानसेनापति सिग्देलले श्री नं. १८ बाहिनी अड्डा तथा अन्तर्गतका फौजहरू सम्मिलित भई उदयपुरस्थित त्रियुगा इलाकामा सञ्चालन भइरहेको सामूहिक तालिमको निरीक्षण गरेका थिए ।
निरीक्षणकै दौरान उनले सामूहिक तालिमको विविध पक्षहरूका बारेमा जानकारी लिएका थिए । निर्देशनालयका अनुसार हाल नेपाली सेनाका युनिटहरूको आ–आफ्नो जिम्मेवारी इलाकामा सामूहिक तालिम सञ्चालन भइरहेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
