स्पेनिस ला लिगामा क्याटलान क्लब बार्सिलोनाले एट्लेटिको मड्रिडसँग २–१ को हार बेहोरेको छ । उसले अग्रता जोगाउन नसक्दा पराजय बेहोरेको हो ।
एट्लेटिकोको जितमा रोड्रिगो डि पउल र एलेक्सन्डर सोर्लोथले समान एक गोल गरे । बार्सिलोनाका पेड्रीको नाममा गोल रह्यो ।
शनिबार राति घरेलु मैदानमा भएको खेलमा ३०औँ मिनेटमा पेड्रीले गोल गर्दै बार्सिलोनालाई अग्रता दिलाए । ६०औँ मिनेटमा रोड्रिगो डि पउलले गोल गर्दै खेललाई १–१ गोलको बराबरीमा ल्याए ।
७३औँ मिनेटमा सोर्लोथले नाहुल मोलिनाको पासमा गोल गर्दै एट्लेटिकोलार्य २–१ को पुनरागमन जित दिलाए । एट्लेटिकोले सन् २०२१ पछि बार्सिलोनालाई हराएको हो ।
यो जितपछि एट्लेटिको ला लिगाको शीर्षस्थानमा उक्लिएको छ । उसले १८ खेलबाट ४१ अंक जोडेको छ । एक खेल बढी खेलेको बार्सिलोनाको ३८ अंक छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
