सत्तारुढ दल नेकपा एमालेका नेता विष्णु रिजालले राष्ट्रिय स्वतन्त्र पार्टी (रास्वपा) का सभापति रवि लामिछानेलाई ‘सरकार मरेको नभइ सक्रिय भएको’ भन्दै जवाफ फर्काएका छन् ।
शुक्रबार कास्की जिल्ला अदालतले आफूविरुद्ध पक्राउ पुर्जी जारी भएपछि लामिछानेले ‘सरकार मर्यो, हामीलाई जुठो मर्यो’ भनेपछि रिजालले जवाफ फर्काएका हुन् ।
‘रवि लीमिछानेलाई पक्राउ गर्न पुर्जी जारी हुनु न खुसीको कुरा हो न दुःखको । कानुनले आफ्नो बाटो लिन्छ, लिनुपर्छ । गृहमन्त्री भइसकेका कृष्णबहादुर महरा, बालकृष्ण खाँडहरू आफ्नै पार्टीको सरकार भएको बेला पक्राउ पर्दा आकाश खसेन, राजनीतिक प्रतिशोध भएन । रविजी पक्राउ पर्दा चाहिँ के आकाश खस्छ ? कानुनलाई सघाउनुस्, ६५ करोडबारे जवाफ दिनुस्, अदालतले न्याय दिइहाल्छ नि !,’ रिजालले ट्विटरमा लेखेका छन् ।
यो पनि : पक्राउ पुर्जी जारी भएपछि रविको प्रतिक्रिया : सरकार मर्यो, हामीलाई जुठो पर्यो
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
